Aqtaý qalasynda Jibek joly elderiniń arasyndaǵy saýdaǵa járdemdesý jáne jeńildetýdiń kedendik ákimshilikteriniń 7-shi halyqaralyq forýmy óz jumysyn bastady, dep habarlaıdy QazAqparat.
Forýmnyń jumysyna Qarjy mınıstrliginiń memlekettik kirister komıteti tóraǵasynyń orynbasary Ǵusman Ámirın, Túrkııa Respýblıkasynyń Keden jáne saýda mınıstrliginiń vıse-mınıstri Remzı Akchyn, Túrkitildes memleketterdiń yntymaqtastyǵy keńesi bas hatshysynyń orynbasary Abzal Saparbekuly, Ázerbaıjan, Qyrǵyzstan, Qytaı, Grýzııanyń kedendik qyzmet basshylarynyń birinshi orynbasarlary, sondaı-aq «Aqtaý» jáne «Baký» teńiz porttarynyń basshylary qatysýda.
Otyrysty ashqan Ǵusman Ámirın Qazaqstan álemdik ekonomıkalyq jáne ıntegrasııalyq prosesterdiń teń quqyly qatysýshysy retinde halyqaralyq saýdanyń damýyna, bıznes salasyndaǵy básekege qabylettiliktiń joǵarlaýyna, kedendik organdardyń ashyqtyǵy men tıimdiligin arttyrýǵa baǵyttalǵan belsendi sharalar atqaryp jatqandyǵyn atap ótti.
Forýmda Mańǵystaý oblysynyń ákimi Alık Aıdarbaev sóz sóıledi. Ol qatysýshylarǵa aımaqtyń saýdalyq jáne tasymaldyq áleýeti týraly aıtyp berdi. Naqty Aqtaý teńiz porty men salynyp jatqan Quryq teńiz portynyń qazirgi jáne bolashaqtaǵy múmkindikteri týraly baıandady.
Jıynǵa qatysýshylar óz elderiniń kedendik ákimshilendirýdi ońtaılandyrýdyń túrli mehanızmderin qoldanýdyń, О́kiletti ekonomıkalyq operatorlardy moıyndaý jáne aldyn-ala aqparat berý salasyndaǵy tájirıbelerimen bólisti.
Otyrystyń birinshi bóligin qortyndylaı kele, Ǵusman Ámirın Jibek joly elderiniń kedendik organdary kedendik prosedýralardy ońtaılandyrýǵa mańyzdy nazar aýdaratyndyǵyn aıtty. Bul kedendik zańnamany birigeılendirý, ótkizý pýnkterin zamanaýı tehnıkamen jabdyqtaýmen, sondaı-aq álemdik saýdaǵa járdemdesý boıynsha kedendik organdardyń belsendi is-qımylymen baılanysty. Jıynnyń qorytyndysynda Aqtaý deklarasııasy qabyldanady dep kútilýde.