Elbasy qabyldady

Memleket basshysy Nursultan Nazarbaev Ulttyq Bank tóraǵasy Grıgorıı Marchenkony qabyldady, dep habarlady Qazaqstan Respýblıkasy Prezıdentiniń baspasóz qyzmeti. G.Marchenko Prezıdentke Qa­zaqstannyń valıýta naryǵyndaǵy jaǵdaı týraly baıandap berdi. Qazaqstan Respýblıkasynyń Ult­tyq Banki 2011 jyldyń basynan beri 6 mıllıard AQSh dollaryn satyp alǵan. Teńgeniń AQSh dollaryna shaqqandaǵy baǵamy 1,25 paıyzǵa nyǵaıdy. – Munyń aqsha agregatynyń ulǵaıýyna jáne ınflıasııaǵa eshbir áseri bolǵan joq. Atalǵan jaǵdaı bizdiń ekonomıkamyzdyń básekege qabilettiligi úshin problema týǵyzbaıdy. Sebebi, eýro, Reseı rýbli, Qytaı ıýani sekildi ózge valıýtalar AQSh dol­laryna shaqqanda edáýir joǵary qarqyn­men nyǵaıýda. Sondyq­tan biz Ult­tyq Banktiń baqy­laýymen AQSh dollaryna shaq­qanda teńge­ni nyǵaıta alamyz jáne bul qa­zaqstandyq ekono­mıkanyń báse­ke­ge qabilettiligin tómendetýge jol bermeıdi, – dedi Ulttyq Bank tóraǵasy jýrnalısterge arnalǵan brıfıng barysynda.