Jyl saıyn qysqy kezeńde Ertis ózeninde muz ótkelderi jáne jaıaý ótpe joldar salynady, dep habarlaıdy TJK-nyń saıty.
Bıyl resmı túrde Aqtoǵaı, Ertis, Lebıajı jáne Maı aýdandarynda tórt muz joly aýdan ákimderiniń ókimderine sáıkes ashyldy.
Ertis aýylynda muz ótkeli paromdyq ótkeldiń ornynda ornalasqan, muzdyń qalyńdyǵy 49-55 sm, Aqtoǵaı aýylynda jaǵajaı aýdanynda ornalasqan muzdyń qalyńdyǵy 54 sm. Oblystyń basqa aýdandarynda muz ótkelderin resmı ashýǵa ázirshe ruqsat joq.
2017 jyly qańtarda Jelezınka aýdanynyń úsh aýyldyq okrýginde (Jelezınka, Bashmachınsk jáne Prıırtyshsk) ashyq muzdy ótkelder ashý josparlanǵan. Qazirgi ýaqytta aýa temperatýrasynyń ózgerýinen barlyq ótkelder negizinen jaıaýlarǵa jáne shanalarǵa arnalǵan, al avtokólikterdiń salmaǵy 2,5 tonnadan aspaýy kerek.
Muzdyń beriktigine jáne onyń qalyńdyǵyna qaramastan, muz ótkelderimen júrgende óte abaı bolǵan jón. О́tkeldiń ústimen júrý barysynda kóliktiń jyldamdyǵy saǵatyna 10 shaqyrymnan aspaýy kerek. Muz ótkelimen júrgen kezde kóliktiń esikteri ashyq, qaýipsizdik belbeýleri sheshýli bolýy qajet. Kóliktiń jolaýshylary ózendi jaıaý kesip ótedi. Bir mezgilde eki avtokólik qozǵalsa, ótkelge kirgen kezde kórsetilgen araqashyqtyq qatań túrde saqtaý qajet.