Búgin «Qazatomónerkásip» UAK» AQ basqarma tóraǵasy Asqar Jumaǵalıev ýran naryǵyn qalpyna keltirýdiń uzaqqa sozylýyna baılanysty Qazaqstanda 2017 jylǵa josparlanǵan ýran óndirisi shamamen 10%-ǵa qysqaratynyn málimdedi.
Ulttyq kompanııanyń baspasóz qyzmetiniń habarlaýynsha, bul qysqarý 2017 jyldyń josparly óndirisindegi 2 000 tonnadan astam ýrandy (5 mıllıon fýnttan astam U3O8) qamtıdy. Tutastaı alǵanda, ol jalpy álemdik ýran óndirýdiń 3%-na teń (UxC Consulting 2015 jylǵy deregine negizdelgen).
Qazaqstanda ýran óndirýdi «Qazatomónerkásip» UAK» AQ-nyń enshiles jáne táýeldi kásiporyndary sheteldik seriktestermen birlese júrgizedi. Árbir kenish pen birlesken kásiporyn úshin óndiristiń naqty kólemi basqarýshy organdardyń tıisti sheshimderimen anyqtalyp, bekitilgen. Túrli óndirýshi kásiporyndardaǵy qysqaratyn ónim kólemi bir-birinen aıyrmashylyq etedi, alaıda kompanııalar toby boıynsha jıyntyq kórsetkish 10%-dan aspaıdy. Mundaı sheshimder ýran naryǵynyń qazirgi kezdegi molyǵýyna negizdelip qabyldandy. Sondaı-aq, óndiris deńgeıine jasalǵan túzetýler ár kásiporyn ózi rettep otyratyn jer qoınaýynan paıdalaný kelisiminiń erejelerine de tolyq sáıkes keledi.
«Talaı jyldardan beri jalǵasyp kele jatqandaı, ıadrolyq energetıkanyń bolashaǵyna senim arta túskenimen, jaqyn arada ýran naryǵy tek molyǵa túsetini shyndyq," - deıdi «Qazatomónerkásip» UAK» AQ basqarma tóraǵasy Asqar Jumaǵalıev.
«Qazatomónerkásip» UAK» AQ jáne onyń birlesken kásiporyndardaǵy seriktesterine naryqtaǵy osyndaı problemalar jaǵdaıynda jaýapty sheshim qabyldaýyna týra keldi. Qazaqstandyq strategııalyq resýrstardyń qazirgideı naryq molyqqan jaǵdaıda arzan paıdalanylǵansha, jer qoınaýynda taǵy biraz ýaqyt jata turǵany aksıonerlerimiz ben steıkholderimiz úshin de jaqsyraq. Ýran bolashaqta naryqta qolaıly jaǵdaı týyndaǵanda ótkiziletin bolady», - dep atap kórsetti.
«Qazatomónerkásip» UAK» AQ osynaý qysqartýlardy eseptegenniń ózinde ýran óndirý jóninen álemdik kóshbasshy bolyp, búkil álemde ıadrolyq enegetıkanyń ósýin qoldaýdy jalǵastyra beredi. Atalmysh strategııalyq sheshim kompanııanyń klıenteri aldyndaǵy kelisimsharttaryn oryndaýyna eshqandaı áser etpeıdi.