Samsung kompanııasynyń vıse-prezıdenti Lı Chje Ion Ońtústik Koreıada úlken jemqorlyq daýyna ushyraǵan prezıdent Pak Kyn Heniń qylmysyna qatysy bar bolyp shyqty, dep jazady Bloomberg agenttigi. Bul týraly osy másele úshin arnaıy qurylǵan tekserýshi komıssııanyń resmı ókili málimdegen.
Kompanııa vıse-prezıdenti beısenbi kúni Seýlde tergeledi, dep jazady basylym. Al ótken dúısenbide kompanııanyń eki top-menedjerinen kýáger retinde túsinikteme alynǵan.
Kompanııanyń baspasóz qyzmeti ázirge máselege qatysty málimdeme jasamaı otyr. Ázirge Lı Chje Ionnan qaladan shyqpaý týraly qolhat alynǵan.
Erterekte Samsung kompanııasynyń basshylyǵy Pak Kyn Heniń qurbysyna para berip, esesine memleketten qoldaý alýǵa keliskeni habarlanǵan edi. Parany kompanııa ókilderi Soı qoryna qaıyrymdylyq retinde kommersııalyq emes tólem túrinde aýdarǵany belgili boldy.