Qyzylorda oblysynda byltyrǵy jyly 5724 shańyraq kóterilgen. Alaıda onyń 1863-niń nekesi buzylyp úlgiripti. Bul týraly О́ńirlik kommýnıkasııalar qyzmetinde ótken brıfıngte Qyzylorda oblysy Ádilet departamentiniń basshysy Qaldybek Saparov málimdedi,-dep habarlady QazAqparat.
Departament basshysynyń aıtýynsha, esepti kezeńde jergilikti atqarýshy organdardyń AHAT salasy barlyǵy 33715 azamattyq hal aktilerin tirkep, 25 mln teńgeden astam baj salyǵy óndirilgen. Jalpy oblys boıynsha 20098 sábı dúnıege kelgen. Kásipkerlik qyzmetpen tıisti qaıta tirkelýsiz qyzmet atqarǵany úshin 5 zańdy tulǵaǵa QR «Ákimshiliq buzýshylyq týraly» Kodeksiniń talaptary boıynsha ákimshilik is qozǵap, aıyppuldyń jalpy somasy 148110 teńgeni qurady.
«Departament tarapynan 9689 alıment tólemi óndirilip, búginde 1243 atqarýshylyq óndirisi aıaqtaldy. Boryshkerlerdi ákimshilik jaýapkershilikke tartý úshin 378 usynys joldanyp, 268 boryshkerge aıyppul salynǵan», - deıdi departament basshysy.