Elbasy Nursultan Nazarbaev Memlekettik bıliktiń tarmaqtary arasynda ókilettikterdi qaıta bólý máseleleri jónindegi jumys tobyn qurý týraly ókimge qol qoıdy. Bul týraly Aqordanyń baspasóz qyzmeti habarlady.
Jumys tobyn Qazaqstan Respýblıkasy Prezıdenti Ákimshiliginiń Basshysy basqarady. Onyń quramyna Qazaqstan Respýblıkasy Parlamentiniń, Úkimetiniń, Joǵarǵy Sotynyń, ózge de memlekettik organdardyń ókilderi, sondaı-aq zańger qoǵamdastyǵy men ǵylymı-saraptamalyq qaýymdastyqtyń ókilderi kirdi.