Jarnamadaǵy jalǵan aqparattar úshin Atyraýdaǵy eki kásipkerge ákimshilik is qozǵaldy, dep habarlaıdy krisha.kz.
Jarnamada kásipkerler “elıtaly” degen sózdi qoldanǵanymen, nysannyń ózi bul talapqa saı kelmeıtin bolyp shyqqan.
QR Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıtetiniń jergilikti bólimshesiniń aqparatyna saı, “Ramzes” jáne “Aınur” kompanııalarynyń basshylaryna qatysty is qozǵaldy. Olardyń áreketi QR Kásipkerlik kodeksiniń normasyn buzǵan bolyp eseptelip, sonyń ishinde 177 baptyń 1 bóliminde aıtylǵandaı, ádiletsiz túrde artyqshylyq beretin barlyq áreketter ádil emes básekelestik bolyp esepteledi. Sonymen qatar, 177 baptyń 2 bólimi 5 tarmaǵyndaǵy jarnamadaǵy jalǵan aqparat ádiletsiz básekelestik bolyp sanalady.
Osyndaı zańsyzdyqqa barǵan shaǵyn, orta jáne iri kásipkerlerge 200, 300 jáne 1500 AEK kóleminde aıyppul salynady. Al ekinshi ret qaıtalanǵan jaǵdaıda aıyppul kólemi 300, 400 jáne 2000 AEK bolyp kóbeıedi.
Esterińizge sala keteıik, ótken jyldan bastap qurylys kompanııalaryna “ekonom”, “komfort”, “bıznes” jáne “elıt” anyqtamalaryn beıresmı qoldanýǵa tyıym salynǵan.
Jarnamada tek jaılylyqtyń resmı sanattary retinde “I”, “II”, “III” jáne “IV” dep qoldanýǵa bolady.