Businessinsider basylymy qazir salynyp jatqan álem boıynsha eń iri megajobalardyń tizimin usynady.
1. Halyqarylyq ǵarysh stansııasy – $150 mlrd (2010 jylǵy málimet)
Adamzat tarıhyndaǵy eń qymbat joba. 2020 jylǵa qaraı jobanyń quny 1 trln dollarǵa jetetini aıtylýda.
2. Ál-Maktým halyqaralyq áýejaıy – $82 mlrd
Dýbaıda salynyp jatqan áýejaı 2018 jyly daıyn bolady. Bul áýejaı álemdegi eń iri áýejaı bolmaq, dep jazady basylym.
3. Ońtústik-Soltústik sý aǵyny jobasy – $78 mlrd (2014 jylǵy málimet)
Qytaıda salynyp jatqan bul nysan Iаnsyzy ózeninen eldiń iri qalalaryna sý arnalaryn tartpaq.
4. Kalıfornııadaǵy jedel temir jol jobasy – $70 mlrd
Asa joǵary jyldamdyqpen júretin temir jol qatynasy San-Fransısko men Los-Anjelesti baılanystyrady.
5. Dýbaıland – $64 mlrd
Taqyryptyq megasaıabaq 2025 jyly ashylady. Onda álemdegi eń iri qonaqúı salynyp, ondaǵy bólmeler sany 6500-ge jetedi degen joramal bar. Sonymen qatar onda sport nysandary men iri saýda orny ornalaspaq.
6. London metrosy – $23 mlrd
Jańadan 40 stansııa qosylatyn metro 42 shaqyrymǵa ulǵaıa túspek. Joba 2020 jyly aıaqtalady.
7. Beıjiń halyqaralyq áýejaıy – $13 mlrd
2025 jyly ashylatyn áýejaıda 7 ushý-qoný alańy bolsa, onyń termınaly álemdegi eń úlken bolmaq.
8. Djýbeıl II – $11 mlrd
Saýd Arabııasyndaǵy Djýbeıl ındýstrııalyq qalasy qurylysynyń ekinshi kezeńi qalaǵa taǵy 100 ındýstrııalyq aımaq qospaq.
9. Gon-Kong-Jýhaı-Makao kópiri – $10.6 mlrd
Birneshe kópir men sý asty tonneli Qytaıdyń teńiz jaǵasyndaǵy úsh iri qalasyn baılanystyrady. Aldyn ala derek boıynsha, 2021 jyly ashylatyn kópirdiń jalpy uzyndyǵy 51 shaqyrymǵa jetpek.