Qala basshysy Áset Isekeshevtiń aıtýynsha, aldymen avtobýs júrgizýshilerinyń tapshylyǵy máselesin sheship alǵan jón. Osydan keıin qoǵamdyq kólikterdiń júrý ýaqytyn uzartýǵa bolady, dep xabarlaıdy QazAqparat.
«Biz jańa 338 avtobýsty jetkizgennen keıin qoǵamdyq kólikterdiń qozǵalysyn túnde uıymdastyrýdy josparlap otyrmyz. Ondaı tájirıbe álemniń kóptegen megapolısterinde bar. Sondyqtan biz birqatar baǵdarlardyń jumysyn tańǵy saǵat 6-ǵa deıin uzartýdy kózdeımiz. О́ıtkeni tańǵy ýaqytta jumys isteıtin azamattar az emes. Sol sebepti aldymen túngi 12-ge deıin uzartyp kóreıik. Degenmen, eń bastysy, avtobýs júrgizýshileri máselesin sheship alǵan jón. Olardyń jalaqysyn qarap, eki aýysymda jumys isteýin uıymdastyrý qajet. Sebebi kólik júrgizýshisi tań atqannan bastap, túnge deıin istese, jol-kólik oqıǵalary jıilep ketýi ábden múmkin», – dedi qala basshysy Astana qalasynyń kóliktik keshenin damytý baǵdarlamasyna arnalǵan qoǵamdyq tyńdaýlar barysynda.
Isekeshevtiń sózine qaraǵanda, búginde elordada qoǵamdyq kólik júrgizýshileriniń tapshylyǵy máselesi bar. Búginde qalada osy sanattaǵy 1 500 maman jetispeıdi.