2017 jyly qala basshylyǵy qosymsha 200 aıaldamany ornatýdy josparlaýda. Osy oraıda ákimdik qala turǵyndaryn qoǵamdyq múlikke uqypty bolýǵa shaqyryp otyr, dep habarlaıdy QazAqparat.
«Búginde biz jyly aıaldamlardy jýyp, tazalap júremiz. Biraq qala turǵyndary shynylaryn syndyryp, kúl-qoqysty tastap ketedi. Sondyqtan bizge ortaq iske degen janashyrlyqty, qoǵamdyq múlikti saqtaý mádenıetin áli de kóterý kerek», - deıdi jolaýshylar kóligi basqarmasy basshysynyń mindetin atqarýshy Bekmyrza Egenberdıev.
Onyń aıtýynsha, búginde jyly aıaldamalarda beınebaqylaý júıesi bar. Alaıda ol ishki ister organdarynyń ortaq jelisine qosylmaǵan. «Qazirgi kezde biz ol beınekameralardy ishki ister departamentiniń ortaq júıesine qosý máselesin pysyqtap jatyrmyz. Sosyn óz jelimizge de qosýymyz qajet. Sonda uıaly telefon arqyly kez kelgen aıaldamadaǵy jaǵdaıdy baqylap otyrýǵa bolady. Bireýler vandalızm jasasa, birden jaqyn júrgen patrýldi shaqyratyn bolamyz», - dep atap kórsetti Igemberdıev.
Aıta keteıik, búginde qala boıynsha 27 jyly aıaldama bar. Bıyl 200 qosymsha aıaldamanyń basym bóligin jeke menshik qarjyǵa ornatý josparlanǵan. «Máselen, aıaldamanyń 55-si bıýdjettiń qarjysyna salynsa, qalǵanyna jeke menshik salanyń qarjysy tartylady», - dedi Igemberdıev.