Aqmola oblysynyń ákimi Sergeı Kýlagın Aqkól aýdanyna barǵan jumys sapary barysynda respýblıkadaǵy jalǵyz metall konstrýksııalaryn óndiretin teńdessiz zaýyt qyzmetimen tanysty, dep habarlady oblys ákimdiginiń baspasóz qyzmeti.
«SP Kazahstan EHZ tehnologıı» JShS óńirdegi jańa kásiporyn bolyp sanalady. Ol 2016 jyldyń qyrkúıek aıynda ǵana iske qosylǵan. Munda jerasty munaı-gaz qubyrlarynyń antıkorrozııalyq qorǵanysyna arnalǵan anodty jerge tuıyqtaǵyshtar men ózge de metall qondyrǵylary shyǵarylady. Bul buıymdar jer asty qubyrlaryn korrozııadan qorǵaýǵa arnalǵan.
— Joba iske qosylǵaly beri 26 mln. teńgeniń ónimi óndirildi. Kásiporynnyń jobalyq qýattylyǵy aıyna 2 myń anodty quraıdy. Búginde 8 jumysshymyz bar, — deıdi Jeńis Beksultan.
О́ńir basshysy óńirdiń ónerkásiptik áleýetin arttyratyn kez-kelgen jańa jobany qoldaıtynyn aıtty.