— 2017 jylǵy 3 aqpannan bastap Aqtaý halyqaralyq áýejaıy «Aqtaý — Qyzylorda — Aqtaý» jańa baǵyty boıynsha jumys isteýdi bastaıdy, dep habarlaıdy 7292info.kz.
Jańa reısti «Bek Air» áýe kompanııasy ashýda. Onyń ushaqtary aptanyń 5 jáne 7 kúnderi jolaýshylardy tasymaldaıtyn bolady. Áýe kompanııasy atalǵan baǵyttyń eń tómengi quny 10 myń 800 teńge ekenin málimdedi.
«Bul áýe kompanııasynyń óz baǵasy, munda áýejaı alymy qosylmaǵan jáne týrıstik agenttikterden bılet alsańyz — taǵy da komıssııa tóleý qajet bolady», — dep atap ótti «Aqtaý halyqaralyq áýejaıy» AQ atqarýshy dırektory Erǵazy Joldasov.
Sondaı-aq, onyń aıtýynsha, bıyl QR aýmaǵynda ǵana emes, TMD elderine de qosymsha baǵyttar ashylady. Máselen, Sankt-Peterbýrgke deıin reıs ashý josparda bar. 12 jeltoqsanda ashylǵan Shymkentke deıingi baǵyttyń jıiligi artady. Endi aptasyna eki ret emes, úsh reıs jasalatyn bolady.