QR Parlamenti Májilisiniń depýtattary Petropavl aýyr mashına jasaý zaýytynyń qyzmetkerlerimen kezdesti, dep habarlady Májilistiń baspasóz qyzmeti.
Kezdesýde májilismender Máýlen Áshimbaev, Qýanysh Sultanov, Sergeı Zvolskıı, Petr Sharapaev jáne Murat Temirjanov eńbekshilermen birqatar máselelerdi talqylady jáne zań shyǵarý qyzmeti týraly áńgimeledi.
Búgingi tańda kásiporyn Qazaqstan naryǵynda suranysqa ıeniń biri bolyp tabylady. Bul 50 jyl boıy munaı óndirýshi kompanııalar úshin, tehnıkany jáne munaı-hımııa men munaı óńdeý kásiporyndary úshin, jabdyqtar shyǵaratyn elimizdegi jalǵyz zaýyt. Zaýyt Qytaı, Reseı, Japonııa, Germanııa, Norvegııa, Anglııa, AQSh, Kanada, Italııa, Belarýs iri kompanııalarymen yntymaqtasady. Osynda 1000-ǵa jýyq adam eńbek etýde, ortasha jalaqy – 95 myń teńgeni quraıdy.
О́ndiris salasynyń jumysshylarymen kezdesý kezinde, májilismender ónerkásiptik óndiristiń eleýli ósýin jáne Soltústik Qazaqstanda birqatar memlekettik baǵdarlamalardyń iske asyrýda tabystylyǵyn atap ótti. Mysalǵa, 2014 jyly «Energetıkalyq qazandyq jabdyǵyn daıyndaý boıynsha óndirisin qurý» Indýstrııalandyrý kartasynda kiristiń ınvestısııalyq jobasy iske asyryldy. Jobanyń arqasynda zaýytta 46 qosymsha jańa jumys orny quryldy.
Qyzmetkerlermen áńgime barysynda halyq qalaýlylary kásiporyn qyzmetine joǵary baǵa berdi jáne otandyq munaı salasynyń damýyna qosqan úlesteri týraly zaýyt qyzmetkerleriniń eńbekteri arqasynda ekenin atap ótti.
«Búgingi tańda partııa Kóshbasshysy, memleket basshysy N.Á. Nazarbaev jastardyń tehnıkalyq mamandyqtardy ıgerýine erekshe nazar aýdarady. Biz kórip otyrǵandaı: Petropavl aýyr mashına jasaý zaýytynda kóptegen jas adamdar jumys isteıdi. Qazirgi tańda elimizde ındýstrııalandyrýdyń jańa kezeńi jalǵasýda. Jastar bir jerde otyrýǵa tıis emes. О́z áleýetin iske asyrý úshin, kóptegen múmkindikter jasalǵan. Mysalǵa, jańa jumys orny ashylady», - dep basa aıtty Májilis depýtaty Petr Sharapaev.
Osy kúni depýtattar oblys aktıviniń jınalysyna qatysty, «Nur Otan» partııasy aımaqtyq fılıalynyń qoǵamdyq qabyldaý bólmesinde azamattardy jeke qabyldady jáne agrarlyq kompanııalar: «Damý» qorynyń jáne Kásipkerler palatasynyń ókilderimen kezdesti. Talqylaǵan taqyryptary – aýyl sharýashylyǵy taýaryn óndirýshilerdi memlekettik qoldaý máselesi.
Májilis depýtattary Soltústik Qazaqstan oblysyna jumys saparymen 5 qańtardan bastap keldi. Osy kezeńde olar eldi mekenderdiń turǵyndarymen birneshe kezdesýler ótkizdi, birqatar ónerkásip kásiporyndaryna bardy jáne áleýmettik ınfraqurylym nysandarynyń ashylýyna qatysty.