2017 jyldyń sońyna deıin 9 myńǵa jýyq aqyly kólik turaǵy oryndary jasalmaq, bul jóninde Astana ákimdiginde ótken qoǵamdyq tyńdaý barysynda astanalyq Jolaýshylar kóligi basqarmasynyń basshysy Bekmyrza Igenberdınov habarlady, dep jazady strategy2050.kz.
«Birinshi jobany ákimdik vokzal mańy alańy aýmaǵynda iske asyrdy. Dál osyndaı júıe mamyr aıynda ashylatyn jańa temir jol vokzalynda da engiziledi», - dep habarlady B. Igenberdınov.
Sondaı-aq kólik turaǵy oryndary týraly «Astana LRT» kompanııasynyń ókili Rýstam Halılev te habarlady.
«Astananyń kólik turaǵy oryndaryn basqarý» jobasy eki aımaqtan turatyn bolady. Birinshi aımaq Turan – Saraıshyq – Orynbor – Syǵanaq kósheleriniń qıylysy. Ekinshi aımaq Saryarqa - Bógenbaı batyr – Respýblıka – Jaǵalaý kósheleriniń qıylysy. Bekitilgen tarıf 1 turaq saǵaty úshin 100 teńgeni quraıdy», - dedi R. Halılev.
R. Halılevtiń aıtýy boıynsha, 2017 jyldyń ekinshi toqsanynda Astanada Abylaı han jáne Sh. Qudaıberdiuly dańǵyldarynda 5,3 shm birjaqty qozǵalys joly engiziledi, bul kólik aǵymynyń jyldamdyǵyn arttyrady. Budan bólek, 24 jol ýchaskesinde qoǵamdyq kólik úshin bólingen qozǵalys jolaqtary paıda bolady.