Túrik parlamenti prezıdenttik basqarý formasyna kóshýge qatysty konstıtýsııalyq reformanyń negizgi erejelerin maquldady, dep habarlady Anadolu agenttigi.
Túrkııada 1923 jyldan bastap Túrik Respýblıkasy qurylǵan sátten qalyptasqan parlamenttik basqarýdyń ornyna prezıdenttik basqarý júıesin engizýdi kózdeıtin negizgi zańǵa ózgerister jobasyn parlamentke Ádildik jáne damý basqarýshy partııasy engizdi.
Depýtattar prezıdenttiń ókilettigin keńeıtetin konstıtýsııaǵa túzetýler týraly zań jobasynyń baptaryn qabyldady. Atap aıtqanda, ol jarlyqtar shyǵarý, mınıstrler taǵaıyndaý, konstıtýsııalyq ózgerister jónindegi máseleni referendýmǵa engizý quqyǵyna ıe bolady.
Tarmaqtar boıynsha konstıtýsııalyq túzetýlerdi qabyldaǵannan keıin Túrkııa parlamenti eger 330-dan astam depýtat daýys berse, ony refrendýmǵa shyǵarady.