Qarjy mınıstrligi qarajat pen múlikti zańdastyrý naýqanynyń nátıjesi boıynsha jańa derekterdi jarııalady. Mınıstrliktiń málimetinshe, qazaqstandyqtar álemniń 32 elinde jyljymaıtyn múlik pen bıznestegi úlesterin zańdastyrǵan.
«Shetelde 408 jyljymaıtyn múlik nysany jáne 32 elde zańdy tulǵalarǵa qatysý úlesi jekeshelendirildi: Atap aıtar bolsaq Avstrııa, Armenııa, Bolgarııa, Belız, Ulybrıtanııa, Vengrııa, Vırgın túbegi, Germanııa, Gonkong, Grýzııa, Ispanııa, Italııa, Qytaı, Kıpr, Qyrǵyzstan, Latvııa, Lıtva, Lıhtenshteın, BAÁ, Reseı, AQSh, Sıngapýr, Taıland, Túrkııa, Túrkimenstan, О́zbekstan, Chehııa, Shveısarııa, Ýkraına, Fransııa, Japonııa, Ońtústik Koreıa elderindegi qazaqstandyqtarǵa tıesili aktıv zańdastyryldy», - dep habarlady Qarjy mınıstrliginiń baspasóz qyzmeti.
Budan buryn Úkimet otyrysynda qarjy mınıstri Baqyt Sultanov Qazaqstan azamattary 700 mlrd teńgege (aqshalaı 614 mlrd teńge, múlik - 70 mlrd teńge) sheteldegi aktıvterin zańdastyrǵanyn habarlaǵan bolatyn.