KAZ Minerals toby balanstyq qorlardyń tolyqtaı aıaqtalýyna baılanysty Shyǵys Qazaqstan oblysyndaǵy Iýbıleınyı-Snegırınskıı kenishindegi óndirý jumysyn aıaqtady, dep habarlady kompanııa. Bul týraly abctv.kz jazady.
"Iýbıleınyı-Snegırınskıı ken orny – toptyń quramyndaǵy eń kishkentaı kenish. 2016 jyldyń 9 aıy ishinde munda quramynda 7,1 myń tonna mys bar 392 myń tonna ken óndirildi. Kenishte jumys vahtalyq ádispen júrgizildi", – dedi KAZ Minerals tobynyń Shyǵys Qazaqstan oblysy boıynsha buqaramen baılanys menedjeri Ermek Dúzkenov.
О́ndirý jumysy aıaqtalǵan soń kenishtiń qyzmetkerler quramyna ońtaılandyrý júrgizildi. 2016 jyldyń 1 jeltoqsanyndaǵy jaǵdaı boıynsha kenishte 158 adam eńbek etti. Onyń 35-i «Vostoksvetmet» JShS-nyń ózge kásiporyndaryna jumysqa ornalastyrylsa, 59 adam óz erkimen jumystan ketýdi uıǵardy. Ońtaılandyrý sharasy 27 adamǵa júrgizildi. Taǵy 37 adam qazirgi tańda kúzet rejımi men kenishte sý aǵyzý júıesine baqylaý júrgizýge tartylǵan. Olarmen eńbek sharty joıý jumysy aıaqtalǵanǵa deıin uzartylǵan.
Kompanııada bekitilgen josparǵa sáıkes, Iýbıleınyı-Snegırınskıı ken ornyn joıý jobasy ázirlenip, ózdigimen júretin jáne stasıonarlyq qondyrǵylardy kompanııanyń ózge kásiporyndaryna kóshirý jumysy júrgizilip jatyr.
Bul kenishte polımetaldyq mys-myrysh jáne qorǵasyn keni jabyq ádispen óndirilip keldi. Kendi óńdeý Nıkolaev ken baıytý kombınatynda júrgizildi. Kenish «Vostoksvetmet» JShS quramyna kiredi jáne oblystyń Glýbokov aýdanynda ornalasqan. Ken orny 1959 jyly ashylyp, barlaý júrgizilip, 1975 jyly memleket menshigine tapsyrylǵan. Paıdalanýǵa 2002 jyly berildi.