Qazaqtyń kórnekti jazýshysy, Markestiń áıgili «Júz jyldyq jalǵyzdyǵyn» aýdarǵan aýdarmashy, qalamger Keńes Iýsýp 76 jasyna qaraǵan shaǵynda qaıtys boldy. Keńes Silámhanuly Iýsýp 1941 jyly 30 maýsymda Shyǵys Qazaqstan oblysynyń Tavrııa aýdanyndaǵy Baımur aýylynda dúnıege kelgen. Qazaq memlekettik ýnıversıtetiniń jýrnalıstıka fakýltetin bitirgen. Shyǵys Qazaqstan oblystyq «Kommýnızm týy» gazetinde ádebı qyzmetker, bólim meńgerýshisi, «Sosıalıstik Qazaqstan», qazirgi "Egemen Qazaqstan" gazetinde ádebı qyzmetker, bólim meńgerýshisi, jaýapty hatshy, «Qazaqstan kommýnısi» jýrnalynyń bólim meńgerýshisi, «Juldyz» jýrnalynyń bólim meńgerýshisi bolyp istegen. Memlekettik basqarý organdarynda jaýapty qyzmetter atqarǵan. Qazaqstan Respýblıkasynyń Prezıdenti Baspasóz qyzmetiniń bas sarapshysy bolǵan. «Qazaqstannyń eńbek sińirgen qaıratkeri» qurmetti ataǵynyń ıegeri (2000).