Janbota ALDABERGENOVA: «О́z elimizde jaýapkershilik joǵary bolýy tıis»

Qysqy Ýnıversıadada shańǵy akrobatıkasynan el na­mysyn qorǵaıtyn Qazaqstannyń frıstaıl quramasynyń kósh­bas­shysy Janbota ALDA­BER­GENOVA bizben kez­de­sýinde osy jarysqa da­ıyn­dyǵy týraly áńgime­lep berdi. − Daıyndyǵymyz qyzý júrip jatyr, Shymkentte jattyqtyq. Endi Almaty arqyly Amerıkaǵa ushyp ketemiz. Onda Álem kýbo­gy­nyń kezeńderine qatysamyz. Jarystar aıaqtalǵan soń AQSh-da bir aptadaı jıyn­darda bolamyz, keıin Ýnıver­sıadaǵa qatysý úshin Qazaqstanǵa oralamyz. − Janbota, kóńiliń kúpti bolar? Qalaı desek te, Qa­zaqstannyń frıstaıl ko­man­dasynyń kóshbasshysy degen jaýapkershilik te bar. − Qatty tolqyp júrmin, óıtkeni, óz elimde óner kórse­tetindikten, jaýapkershilik te kóbirek. Oǵan qosa, Qazaqstanda osyndaı aýqymdy oıyndarǵa, qalyń jurtshylyq aldynda tuńǵysh ret oıyn kórsetpekpin. 2011 jylǵy qysqy Azııa oıyndarynda mende ondaı tájirıbe bolǵan joq, óıtkeni, shańǵy akrobatıkasyna Azıadadan keıin keldim. − Maýsym bastalǵaly beri aýa raıy qatty qubylyp tur? Daıyndyq qalaı? − Maýsym bastalǵanda bizde belgili bir qıyndyqtar týyndady, Fınlıandııadaǵy oqý-jattyǵý jıyndarynda tolyqqandy daıyndyqtan óte almadyq. Sýomı jerinde júrgenimizde, aýa raıy bir jylyp, bir sýyp, burqasyn kóterildi, sol sebepten keıbir jattyǵýlar ótkizilgen joq. Sondyqtan áli ózimdi senimdi sezinip júrgen joqpyn, alaıda, Amerıkadaǵy Álem kýbogy kezeńderinde muny mindetti túrde eńseremin. − Ýnıversıadaǵa shańǵy sportynyń qandaı sańlaq­ta­ry kele jatqanynan habardar shyǵarsyń? − Qatysýshylardyń esim­derin áli bilmeımin, degenmen, basty qarsylastarymyz burynǵysynsha Qytaı, Reseı jáne Belarýs atletteri ǵoı. − Ýnıversıada aldynda ja­ńa elementterdi qosasyz ba? − Keıbir jańa elementterge jattyǵyp júrmin, alaıda, Ýnıversıada kezinde olardy oryndaımyn ba, bilmeımin. Qu­lap qalǵannan góri, kúrdeli emes sekiristerdi taza oryndap shyqqan durysyraq. Sondyqtan tekserilgen, ábden mashyqtanǵan sekiristerge artyqshylyq beriledi, biraq Amerıkadaǵy Álem kýbogynan keıin ǵana ony naqty sheshetin bolamyz. − Frıstaıl – júrekjutqan ónerdi talap etetin sport tú­ri. Qazaqstanda qysqy Ýnı­­versıadanyń ótýi shańǵy akro­batıkasyna qyzyǵatyn jas­tardyń kóbeıýine áser ete ala ma? − Bul − óte qaýipti sport túri. 5-6 metr bıiktikke sekirip, aýada aınalý árkimniń qolynan kelmeıdi. Batyldyq, tózim kerek. Ýnıversıadadan keıin bizdiń sport túri týraly adamdar kóbirek bile bastaıdy dep úmittenemin. О́ıtkeni, frıs­taılmen shuǵyldanamyn degende, kópshilik «bul, ne, bı me?» dep suraıdy. Sosyn túsindirýge týra keledi. Memleketimiz de sporttyń osy túrine kóńil bóle bastady. Frıstaıl boıynsha seksııalarǵa keletin balalar sany artsa, qytaılyqtar sekildi joǵary báseke bolsa deımin. Shańǵy akrobatıkasy frıstaıl sport jarystary ishindegi eń ekstremaldysy sanalady. Sondyqtan jankúıerlerdiń barlyǵyn ony óz kózimen kórýge shaqyramyn. Áńgimelesken Aınash ESALI, «Egemen Qazaqstan»  ALMATY