Qazaqstan Respýblıkasynyń Syrtqy ister mınıstri Qaırat Ábdirahmanovtyń Nıý-Iorkke jumys sapary máresine jetti, dep habarlady Qazaqstan Respýblıkasy syrtqy saıasat vedomstvosynyń baspasóz qyzmeti.
Qazaqstandyq mınıstr óziniń Amerıka Qurama Shtattaryna jumys saparynyń sońǵy kúni Nıý-Iork qalasynda Ortalyq Azııa elderi men Aýǵanstannyń BUU janyndaǵy Turaqty ókilderimen kezdesý ótkizdi.
Qazaqstan syrtqy saıasat vedomstvosynyń basshysy atalǵan basqosý barysynda elimiz BUU Qaýipsizdik Keńesiniń turaqty emes múshesi retinde Uıym tarıhynda alǵash ret Ortalyq Azııa óńirinen ókildik etip otyrǵanyn atap kórsetti. Sondaı-aq, ol Qazaqstannyń Ortalyq Azııanyń barlyq elderiniń ortaq múddesi úshin kúsh-jiger jumsaıtynyn kóldeneń tartty. Atap aıtqanda, Q.Ábdirahmanov Aýǵanstannyń shetin problemalaryn túbegeıli sheshpeı turyp, óńirde uzaq merzimdi turaqtylyq pen qaýipsizdikti qamtamasyz etý múmkin emes ekenine nazar aýdardy.
О́z kezeginde, óńir memleketteriniń dıplomattary Qazaqstannyń Ortalyq Azııa elderiniń múddelerin BUU Qaýipsizdik Keńesindegi músheligi arqyly ilgeriletý jónindegi josparlaryna qoldaý bildiretindikterin málimdep, saıası jáne sarapshylyq deńgeılerde tıisti konstrýktıvti ózara is-áreketterdi jalǵastyrýǵa daıyn ekendikterin qýattady. Budan bólek, kezdesýde Qazaqstan Respýblıkasynyń Prezıdenti Nursultan Nazarbaevtyń BUU Qaýipsizdik Keńesine Saıası úndeýi oń baǵalandy.
Sapary barysynda, sondaı-aq, Q.Ábdirahmanovtyń Italııa, Shvesııa, Efıopııa, Polsha jáne Latvııa syrtqy saıasat vedomstvolary basshylarymen, Ulybrıtanııa Syrtqy ister mınıstriniń orynbasarymen ekijaqty jumys kezdesýleri ótip, olarda ekijaqty qarym-qatynas máseleleri boıynsha jáne BUU-nyń kún tártibi jóninde jemisti pikir almasýlar boldy.
Tutastaı alǵanda, qaıta taǵaıyndalǵan Qazaqstan Syrtqy ister
mınıstriniń alǵashqy halyqaralyq sapary tabysty aıaqtaldy dep aıtýǵa tolyq negiz bar. О́ıtkeni, sapar barysynda Astananyń, BUU Qaýipsizdik Keńesiniń jaýapkershilikti múshesi retinde, osy asa mańyzdy saıası organnyń qyzmetine beıbitshilikti saqtaý men jahandyq aýqymda turaqtylyqty qamtamasyz etý isteri boıynsha sapaly úles qosýǵa daıyn ekeni atap kórsetilip, bul jaıt jan-jaqty qoldaý tapty.
Bul qatarda, sondaı-aq, BUU Hatshylyǵynyń jańa basshylyǵymen, múshe elder syrtqy saıasat vedomstvolary jáne delegasııalarymen, onyń ishinde Qaýipsizdik Keńesine enetin elder de bar, baılanystardy nyǵaıtý sııaqty mańyzdy máseleler de nazardan tys qalǵan joq.