Kókshetaýdyń «Oqjetpes» komandasyna «Spartaktyń» burynǵy shabýylshysy Aleksandr Kozlov qosyldy. Bul týraly vesti.kz habarlady.
23 jastaǵy oıynshymen kókshetaýlyq klýb bir jyldyq kelisimshartqa otyrdy. Ol sońǵy ret Voronej qalasynyń «Fakel» komandasynda dop tepken.
Kozlov «Spartaktyń» birinshi komandasyna 2010 jyly qosylǵan. Munda ol barlyǵy 28 matchqa qatysyp, 1 goldyń avtory atanǵan. Sonymen qatar, óz komandasyn Chempıondar lıgasy men Eýropa lıgasynyń toptyq kezeńine joldama alýǵa septigin tıgizgen.
«Qazir oıymnyń bári «Oqjetpes» jaıly. Jańa komandama qolymnan kelgenniń bárin jasaýǵa daıynmyn. Al bolashaqta ózim túlep ushqan «Spartakqa» oralýdy armandaımyn», – dedi «Oqjetpestiń» jańa forvardy.