Osy aptada jahandyq qarjy naryǵynyń nazary áli de bolsa endi ǵana qyzmetine kiriskeli jatqan Donald Trampta bolady, dep jazady reuters basylymy.
Tramptyń jeńisinen keıin beı-jaı kúıde qalǵan qarjy naryǵy aldaǵy beısenbide onyń resmı túrde ant qabyldap Aq úıge qyzmetke kirgen kezde turaqtalatynyn aıtady ınvestorlar. Sonyń ishinde ınvestorlar birinshi kezekte Tramptyń salyq reformasy, ınfraqurylymdyq jobalardyń shyǵynyn ońtaılandyrý jáne Qytaımen saýda aınalymy týraly málimdemesin asyǵa kútýde.
Sonymen qatar AQSh Federaldy qorynyń Djannet Iellen bastaǵan birqatar laýazymdy tulǵalaranyń resmı málimdemeleri de osy aptadaǵy naryqqa aıtarlyqtaı ózgeris ákelýi múmkin. Sonyń ishinde treıderler aldaǵy aılarda ortalyq banktiń bazalyq ústemeni kóterýge qatysty qandaı da bir málimdeme jasalýy múmkin ekenin aıtady.
Esterińizge sala keteıik, jeltoqsandaǵy Federaldy qordyń sońǵy otyrysynda 2017 jyly dollardyń bazalyq ústemesi keminde eki ret kóterilýi múmkin ekeni aıtylǵan edi.
Seısenbi kúni Tereza Meıdiń halyq aldyna shyǵýy da saýdagerlerdiń kópten kútkeni. Aldyn ala boljamdar boıynsha, úkimet basshysy óz ákimshiliginiń Breksıtke qatysty ustanymdaryn jetkizbek.
Sál erterekte Meı Brıtanııanyń Eýroodaqtan naýryzdyń sońyna deıin shyǵatynyn aıtqan edi. Degenmen, iri kásipkerler men ınvestorlardyń aralasýymen eldiń odaqtan shyǵý jaıyn taǵy da talqylanatyn bolyp sheshilgen edi.
Sarapshylardyń aıtýynsha, eldiń odaqtan shyǵýy fýnttyń qunyn aıtarlyqtaı túsirip, ekonomıkaǵa úlken shyǵyn ákelýi múmkin.
Eýroaımaqtaǵy saýda men jalpy eýronyń quny úshin Eýropa ortalyq bankileriniń resmı kezdesýi úlken rólge ıe. Beısenbidegi bul kezdesýde eýroaımaqty qarjylyq yntalandyrý máseleleri qaralady dep kútilýde.
Beısenbi kúni Eýropa ortalyq banki eýronyń paıyzdyq ústemesi týraly málimetti jarııalaıdy.
Sonymen qatar beısenbi kúni Qytaıdyń ótken jylǵy tórtinshi toqsandaǵy ekonomıkalyq ósim qarqyny týraly málimet jarııalanady. Bul da Azııalyq qor bırjalary úshin treıderlerdiń kópten kútken jańalyǵy bolmaq.