2017 jylǵy 12 qańtarda Qazaqstan Respýblıkasynyń Ulttyq qaýipsizdik komıteti Qazaqstan Respýblıkasy Qylmystyq kodeksi 185-baby 1, 3-bóliginde kózdelgen («Memlekettik qupııalardy zańsyz jınaý, taratý, jarııa etý») qylmystardy jasady degen kúdikpen QR Prezıdenti Ákimshiliginiń qyzmetkerleri bolǵan B. Maılybaev jáne N. Galıhındi ustady, dep habarlady QR Ulttyq qaýipsizdik komıtetiniń baspasóz qyzmeti.
14 qańtarda Astana qalasy, Esil aýdandyq soty 2 aı merzimge qamaýǵa alý sanksııasyn berdi.
Atalǵan tulǵalar Qazaqstan Respýblıkasy Qylmystyq-prosestik kodeksiniń 128-babyna sáıkes UQK Tergeý ızolıatoryna qamaýǵa alyndy. Kúdiktilerdiń jáne olardyń týystarynyń turǵylyqty jerleri boıynsha tintýler júrgizildi, zattaı dáleldemeler alyndy. Tergep-tekserý jalǵasýda, onyń barysy jáne nátıjeleri jóninde qosymsha habarlanatyn bolady.