Búgin "Egemen Qazaqstan" Respýblıkalyq gazeti" aksıonerlik qoǵamynda keńeıtilgen jınalys ótip, gazettegi uzaq jyldar boıǵy eńbekten keıin zeınet demalysyna shyqqan birneshe qyzmetkerge qurmet kórsetildi. Basqarma tóraǵasy Darhan Qydyráli gazettiń burynǵy bas redaktory Janbolat Aýpbaevqa, ardager jýrnalıst Súleımen Mámetke, basylymnyń jarnama bólimin basqaryp kelgen Marat Aqqulǵa, Aqmola oblysyndaǵy menshikti tilshi qyzmet atqarǵan Baqbergen Amalbekke, ınternet-redaksııa qyzmetkeri Rysbala Əbdiqadyrǵa, korrektor Bazarkúl Ahmetovaǵa shapan, kamzol jaýyp, qurmet gramotasyn tabys etti.
Darhan Qydyráli atalǵan kisilerdiń uzaq jəne adal eńbegine alǵys bildirip, aldaǵy ýaqytta da gazettiń túrli jobalaryn iske asyrýǵa úles qosady dep úmittenetinin aıtty. Janbolat Aýpbaev pen Marat Aqqul, Rysbala Əbdiqadyr sóz sóılep, gazet basshylyǵy jasaǵan qurmet pen syı-syıapatqa úlken alǵystaryn jetkizdi.
Sonymen qatar Basqarma tóraǵasy "Egemen Qazaqstan" basylymyndaǵy qurylymdyq jáne kadrlyq ózgeristerdi jarııa etti. Bul sheshimge sáıkes, Áleýmet jáne bilim bóliminde Dýman Anash, Sport bóliminde Kaırat Abdolla, Mádenıet jáne rýxanııat bóliminde Oralhan Dáýit bólim basshylary bolyp qyzmet atqarady.
Taǵy bir mańyzdy ózgeris, Ońtústik Qazaqstandaǵy gazet ókildigi endi tilshiler qosyny bolyp qurylatyn boldy.