Ýnıversıadanyń birinshi qonaqtary 24 qańtar kúni keledi. Ol Qytaı delegasııasy bolmaq. Bul týraly 28-shi Búkilálemdik qysqy Ýnıversıadaǵa daıyndalý jáne ótkizý jónindegi dıreksııa dırektory Naıl Nurov BAQ-pen kezdesý barysynda aıtty.
«Bizdiń birinshi qonaqtarymyz 24 qańtar kúni keledi. Ol 60 adamnan turatyn Qytaı delegasııasy. Odan keıin, birneshe saǵattan soń Kanada hokkeıshileri keledi. 26-29 qańtarda qonaqtardyń deni keledi. Bul kúnderi áýejaıda óte tyǵyz jumys bolady», - dedi N.Nurov. Sonymen qatar ol búgingi tańda barlyq nysandar 90 paıyzǵa daıyn ekenin aıtty. «20 qańtar kúni dıreksııa barlyq ǵımaratty qala ákimine tapsyrady. Onda nysandar ábden jabdyqtalyp, jaraqtalǵan kúıde bolady. Búginde biz Ýnıversıadaǵa tolyǵymen daıynbyz dep aıta alamyz»,- dedi N.Nurov.