Bokstan Qazaqstan quramasynyń burynǵy músheleri Birjan Jaqypov pen Berik Ábdirahmanov áýesqoı bokspen qosh aıtysty, - dep habarlaıdy Vesti.kz ulttyq quramanyń bas bapkeri Myrzaǵalı Aıtjanovqa silteme jasap.
49 kıllogram salmaqqa deıin judyryqtasqan 32 jastaǵy Birjan Jaqypov Olımpıada oıyndaryna úsh ret qatysqan (2008, 2012, jáne 2016) jáne árdaıym jartylaı fınalǵa deıin ǵana bardy. Onyń jetistikteri - 2013 jyly álem chempıony, 2005 jylǵy álem birinshiliginde qola júlde, 2010 jáne 2014 jyldardaǵy Azııa chempıonatynda eki kúmis júlde, Qazaqstan chempıonatynyń birneshe júldesi. Jaqyn arada Jaqypov óziniń týǵan jeri Shymkent qalasyndaǵy sport mektebi dırektorynyń orynbasary bolady dep boljanyp otyr.
40 kelige deıingi salmaqta judyryqtasyp kelgen 30 jastaǵy Berik Ábdirahmanov 2016 jylǵy Olımpıadada alǵashqy kezdesýinde-aq amerıkalyq Karlos Balderamastan utylyp qaldy. Aqtaýlyq boksshynyń eń úlken jetistigi 2013 jyly boldy. Ol osy jyly Azııa chempıony atandy jáne Almatyda ótken álem chempıonatynyń qola júldesiniń ıegeri atanǵan edi.