Qyzylordanyń «Qaısar» fýtbol klýbyna gollandııalyq Gregorı Nelson keldi, dep habarlady komandanyń baspasóz qyzmeti.
28 jastaǵy jartylaı qorǵaýshy «AZ Alkmaar» komandasynan túlep ushqan. О́z mansabynda Gollandııanyń ekinshi lıgasynda, Bolgarııa, Ýkraına chempıonattarynda dop tepken. Olardyń arasynda «Rosendal», Sofııa qalasynyń SSKA, Doneskiniń «Metallýrg», jáne «Botaev» komandalary bar.
Sońǵy matchyn ol ótken jyldyń mamyr aıynda ótkizgen. Sodan beri komandasyz júrdi. Jartylaı qorǵanystyń eki qaptalynda da oınaýǵa beıimdelgen.
Aıta keteıik, Qyzylorda komandasynyń tarıhynda Nelson Gollandııadan kelgen ekinshi legıoner atanyp otyr. 2012 jyly Qazaqstan premer-lıgasynda onyń otandasy Karım Fıtchalı 9 kezdesýde 1 gol salǵan.