Keshendi attestattaý

– memlekettik qyzmetshilerdiń áleýetin damytýdyń kepili Zamanaýı jáne kásibı memlekettik qyzmet pen tıimdi basqarý qurylymy qashanda memlekettik bılik salasynyń mańyzdy bóligi bolyp tabylady. Búgingi kúni, qoldanystaǵy memlekettik qyzmet týraly zańnama memlekettik qyzmettiń qazaqstandyq modeliniń negizi bolmaq. Bes ınstıtýttyq reformany iske asyrý úshin «100 naqty qadam» Ult jospary qabyldanyp, onyń ishindegi alǵashqy 15 qadamy birinshi reformaǵa, ıaǵnı kásibı memlekettik apparat qurýǵa arnaldy. Atap aıtqanda, dál osy 15-qadam is basyndaǵy memlekettik qyzmet­shilerdi keshendi attestattaýdan ótkizýge arnalyp otyr. 2017 jyl­dyń qańtarynda elimizdiń bar­lyq aýmaǵyndaǵydaı Jambyl obly­synda da «B» korpýsynyń memle­ket­tik qyzmetshilerin keshendi attestat­taýdan ótkizý jumystary bastalady. Keshendi synaq memlekettik qyz­met­shilerdiń kategorııasyna baı­la­nysty kezeń-kezeńimen ót­kizilip, 2017 jyldyń 1 shildesinde aıaq­talady. Memlekettik qyzmetshiler Elba­synyń júrgizip otyrǵan sarabdal saıasatyn júzege asyratyn biregeı azamattar ekendigin eskersek, barlyq reformalardyń sátti iske asyrylýy olardyń sapaly ári tıimdi jumysyna tikeleı baılanysty. Osy oraıda, attestattaýdyń maq­saty – jańa talaptarǵa sáıkes, memle­kettik qyzmetshilerdiń kásibıli­gin, biliktiligin jáne tulǵalyq qasıet­terin anyqtaý bolyp tabylady. Bul júıe «100 naqty qadam» Ult jos­paryn iske asyrý maqsatynda memleket­tik apparattyń kadrlyq áleýetin obek­tıvti túrde baǵalaýǵa jáne utym­dy paıdalanýǵa septigin tıgizetin bolady. О́ńirdegi 457 memlekettik organda, barlyǵy 4818 qyzmetker jumys atqarady. Olardyń 3972-si attes­tattaýdan ótkizýge jatqyzylady. Onyń ishinde, 351 jergilikti at­qarý­­shy organdardaǵy 2632 qyz­met­kerdiń 1763-i, 106 ortalyq mem­leket­tik organdardyń aýmaqtyq bólim­shelerindegi 2208 qyzmetkerdiń 1770-i attestattaýdan ótetin bolady. Keshendi attestattaý 3 kezeń­nen turady. Birinshi kezeń – attestat­talatyn árbir qyzmetkerdiń baǵalaý paraǵyn jasaý. Ekinshi kezeń – «Biryńǵaı quzy­ret­tilikter shegi» boıynsha «B» kor­pýsynyń ákimshilik memlekettik qyz­me­tshilerin testileýden ótkizý. Bul quzyrettilikti baǵalaý jáne mem­lekettik qyzmettiń qundylyqtaryn saqtaý deńgeıin anyqtaýǵa arnalǵan kompıýterlik synaq baǵdarlama­lary. Atalǵan kezeń ótken jyldar­daǵy attestattaýdan erekshe bolyp otyr. Iаǵnı, attestattaý barysynda zań­namany bilýge arnalǵan testileý qam­tyl­maıdy. Úshinshi kezeń – attestattaý komıs­sııasynan áńgimelesýden ótkizý. Áńgimelesý sanaty boıynsha atqara­tyn laýazymyna baılanysty úsh túrli deńgeıde ótkiziledi. Alǵashqy deńgeıde, Prezıdent Ákimshiligi ja­nyn­daǵy Joǵary attestattaý komıs­sııasynan ortalyq memlekettik organ­dardyń oblystaǵy aýmaqtyq bólim­sheleriniń jáne olardyń vedomstvo­larynyń basshylary, oblystyq basqarma basshylary, sonymen birge, osy sanattaǵy «B» korpýsynyń ózge de qyzmetkerleri ótedi. Ekinshi deńgeıde, mınıstrlikter men oblystyq ákimdikterdegi attestat­taý komıssııalarynan sáıkesin­she sol saladaǵy mekeme qyzmetkerleri ótedi. Úshinshi deńgeıde – aýdandardaǵy attestattaý komıssııalary. Bul deń­geı­de aýdandyq jáne aýyldyq deń­geı­degi memlekettik qyzmetshiler baǵa­lanatyn bolady. Úsh deńgeıli júıeniń ereksheligi, joǵary deńgeıdegi attestattaýdan ótken tulǵalar, tómengi deńgeıdegi attes­tattaý komıssııasynyń quramy­na engiziledi. Bul – úderistiń beıtarap­tylyǵy men áńgimelesýdi biryńǵaı júıede ótkizýge múmkindik beredi. Attestattaý qorytyndysy azamat­ty qyzmetke taǵaıyndaýǵa, qyz­metinde joǵarylatýǵa nemese tómen­detýge jáne atqaratyn laýazymynan bosatýǵa negiz bolyp tabylady. Attestattaýdyń nátıjesi memle­ket­tik qyzmetshilerdiń quzyret­tili­gin damytý arqyly olardyń damý josparyn qurýǵa negiz bolady dep esepteımiz. Sonymen birge, attes­­tattaý nátıjeliligi tómen aza­mat­tar ózderiniń qabiletteri men quzyre­ttilikteriniń álsiz tustaryn arttyrýǵa múmkindik alady. Osylaısha olar anyqtalǵan kemshilikterin túzetip, kásibı biliktiligin arttyryp, qyz­metin­de joǵarylaýǵa úmittenýine bolady. Turaqty túrde baqylaý jasaý jáne memlekettik qyzmetshilerdiń biliktiligin arttyrý elimizde kásibı memlekettik apparat qurýǵa oń septigin tıgizedi.  Maqsut NÁLIBAEV, Memlekettik qyzmet isteri jáne sybaılas jemqorlyqqa qarsy is-qımyl agenttigi Jambyl oblysy boıynsha departamentiniń basshysy