«Astana» fýtbol klýbynyń oıynshysy Jýnıor Kabananga Kongo Demokratııalyq Respýblıkasynyń Afrıka ulttar kýbogy týrnırindegi jeńisti golyn soqty.
Toptyq kezeńniń birinshi oıynynda Marokko ujymymen kezdesip, 1:0 esebimen basym tústi. Jalǵyz dopty Kabananga 55-mınýtta saldy.
Aıta keteıik, alǵashynda Kongo DR bas jattyqtyrýshysy Floran Ibenje ony týrnırdiń naqty tizimine qospaǵan bolatyn. Alaıda, taǵy bir oıynshynyń jaraqat alyp qalýyna baılanysty sońǵy sátte «Astana» fýtbolshysyn qaıtarý jóninde sheshim qabyldady.
Osy toptyń taǵy bir oıynynda Kot-d`Ivýar men Togo komandalary kezdesip, 0:0 esebimen tarqasty. Al Kongo DR kelesi kezdesýin 20 qańtar kúni Kot-d`Ivýarmen ótkizedi.