Almatyda ótetin Ýnıversıadada sporttyń 12 túri boıynsha 86 medal jıyntyǵy sarapqa salynady. Bul týraly búgin Úkimet otyrysynda QR Mádenıet jáne sport mınıstri Arystanbek Muhamedıuly málim etti.
Bul rette medaldar jıyntyǵynyń eń kóbi konkı jarysynda (14 jıyntyq), shańǵy jarysynda (11) jáne short-trekte (8) tigiledi. «QR sportshylarynyń sapaly daıyndyǵyn úlestirý maqsatynda jáne sport túrleri boıynsha jarystardy uıymdastyrý jáne ótizýdi baqylaý úshin Respýblıkalyq shtab quryldy. Búgingi kúni shtab Almaty qalasynda qarqyndy jumys isteýde», - dedi Muhamedıuly.
Sonymen qatar halyqaralyq sport dodasyna álemniń 59 elinen 2 myńnan astam sportshy qatysady.
«Stýdentter arasyndaǵy álemniń eń aýqymdy sporttyq is-sharasyn óz elimizde qabyldaýǵa 12 kún qaldy. Atalǵan jarys medaldaryna ıe bolý - ár stýdenttiń basty armany, memlekettiń saıası jáne ekonomıkalyq jaǵynan myqty ári qarqyndy damýynyń belgisi. Stýdenttik qurama komandanyń aldaǵy oıyndarǵa sapaly daıyndyǵyn qamtamasyz etý mınıstrlik jumysynyń basty baǵyty sanalady», - dep atap ótti Almatyda ótetin stýdentter arasyndaǵy qysqy Ýnıversıada oıyndaryna daıyndyq barysy týraly baıandaǵan mınıstr.