Qazaqstan Respýblıkasynyń «Azamattarǵa arnalǵan úkimet» memlekettik korporasııasy» kommersııalyq emes aksıonerlik qoǵamynyń basqarma tóraǵasynyń buıryǵymen Muhamadııar О́mirzaquly Ismatov — «Halyqqa qyzmet kórsetý ortalyǵy» departamentiniń Soltústik Qazaqstan oblysy boıynsha fılıalynyń dırektory bolyp taǵaıyndaldy. Bul týraly SQO ákiminiń baspasóz qyzmeti habarlady.
Muhamadııar О́mirzaquly quqyqtaný mamandyǵy boıynsha Qazaq gýmanıtarlyq-zań ýnıversıtetin aıaqtaǵan. Eńbek jolyn 2009 jyly Astana qalasy boıynsha jer resýrstary men jerge ornalastyrý mamany bolyp bastady.
Ár jyldary «Ońtústik Qazaqstan oblysy Saıram aýdanynyń máslıhaty» MM-de revızor, Ońtústik Qazaqstan oblysy boıynsha «Halyqqa qyzmet kórsetý ortalyǵy» MM-de ınspektor, Astana qalasynyń «Sapaly» JShS-niń zańgeri, «MıG kredıt Astana» mıkronesıelik uıymynyń korporatıvtik klıentter men jumys jasaý departamentiniń basshysy, Soltústik Qazaqstan oblysynyń Qyzyljar aýdandyq «Halyqqa qyzmet kórsetý ortalyǵy» RMM fılıalynyń bólim basshysy, Aqmola oblysynyń №1 Selınograd aýdandyq, Astana qalasynyń «Halyqqa qyzmet kórsetý ortalyǵy» RMM fılıalynyń bólim basshysy boldy.
2016 jyldyń qyrkúıek aıynan osy taǵaıyndaýǵa deıin Almaty qalasy boıynsha «Azamattarǵa arnalǵan úkimet» memlekettik korporasııasy» kommersııalyq emes aksıonerlik qoǵamynyń «Halyqqa qyzmet kórsetý ortalyǵy» fılıaly departamentiniń mamandandyrylǵan bóliminiń basshysy qyzmetin atqardy.