QR Ishki ister mınıstrligi Ýnıversıada nysandaryn terrorlyq qaýipsizdik boıynsha erekshe baqylaýda ustaıdy. Bul týraly búgin Úkimet otyrysynda vedomstva basshysy Qalmuhanbet Qasymov málimdedi.
"Ýnıversıadanyń toǵyz nysanyn terrorlyq jáne ekstremıstik qaterden saqtaý úshin erekshe baqylaýda ustaımyz. Nysandarda radıoaktıvti jáne hımııalyq zattardyń bar-joǵy tekserilip, órt qaýipsizdigi erejeleri saqtalady. Arnaıy tekseretin qurylǵylar kúni-túni isteıdi. 96 ótkizý jáne 27 rentgendik qurylǵy qoıyldy. Eki myńnan astam kamerasy bar baqylaý júıesi ornatyldy", - dedi mınıstr.
"Atletıkalyq aýylda qaýipsizdikti qamtamasyz etý úshin quqyq qorǵaý qyzmetkerlerimen qatar ózge de tıisti organ jumysy uıymdastyryldy", - dedi Qasymov.
Sonymen qatar aldyn ala synaq jumystary uıymdastyrylyp, qyzmetkerlerdi ornalastyrý tártibi bekitildi.
Osy maqsatta, mınıstrdiń aıtýynsha, 7,5 qyzmetker jumys isteıdi. Onyń 4700-i polısııa qyzmetkerleri bolsa, 1 myń áskerı qyzmetker, 1400 qorǵanys mınıstrligi qyzmetkeri men 150 kınolog jumys isteıdi.