28-shi Búkilálemdik qysqy Ýnıversıada oıyndaryn 80 el translıasııalaıdy. Bul týraly búgin QR Úkimet otyrysynda elimizdiń Aqparat jáne kommýnıkasııalar mınıstri Dáýren Abaev málimdedi.
«Aıta ketetin másele, Qazaqstan ýnıversıadany ótkizetin el bolǵandyqtan translıasııalaý quqyǵy otandyq telearnalarǵa tegin beriledi. Tutastaı alǵanda, jarystar 80 elge translıasııalanyp, 1 mlrd. aýdıtorııany qamtıdy»,- dedi ol.
Mınıstrdiń aıtýynsha, Ýnıversıada oıyndarynan 200-den astam tikeleı kórsetilim uıymdastyrylady.
«Árıne, eń basty jumys - jarysty bastan-aıaq sapaly túrde translıasııalaý. Elimizdiń aýmaǵynda sport básekesin «Habar», «Qazaqstan» jáne «Qazsport» telearnalary taratady. Jalpy, 200-den astam translıasııa uıymdastyrylatyndyǵy kózdelýde», - dedi mınıstr.
Onyń aıtýynsha, sharanyń resmı host taratýshysy retinde Halyqaralyq ýnıversıtettik sport federasııasy anyqtalǵan. Sonymen qatar, Abaev Ýnıversıadanyń ashylý jáne jabylý sharalary men sporttyq jarystardyń komentatorlary iriktep alynǵanyn, telearnalarda jarystarǵa arnalǵan kúndelikter kórsetiletindigin, al gazetterde arnaıy better beriletindigin aıtty.
«Jyldyń basty sporttyq sharasy aıaqtalǵannan keıin Ýnıversıadany ótkizý týraly resmı fılm túsirý uıymdastyrylatyn bolady», - dedi mınıstr.
Esterińizge sala ketsek, 28-shi Búkilálemdik qysqy Ýnıversıada oıyndary 2017 jyldyń 28 qańtary men 8 aqpany aralyǵynda Almaty qalasynda ótedi.