28-shi Búkilálemdik qysqy Ýnıversıada kezinde jedel medısınalyq kómek kórsetetin dárigerler aǵylshyn tilin jetik biledi. Bul týraly búgin QR Úkimetiniń selektorlyq rejimdegi otyrysynda elimizdiń Densaýlyq saqtaý jáne áleýmettik damý mınıstri Tamara Dúısenova aıtty.
«Ýnıversıadany ótkizý aıasynda mınıstrlik Almaty qalasynyń ákimshiligimen birlesip, qatysýshylarǵa shara barysynda jáne toqtaǵan ornynda ýaqytynda jáne sapaly medısınalyq kómek kórsetý máselesin pysyqtady. Jalpy medısınalyq kómek kórsetý stasıonarlyq túrde, jedel járdem túrinde kórsetiledi. Sonymen qatar medısınalyq pýnkt qyzmetteri uıymdastyrylady. Búgingi tańda qajetti daıarlyq tolyq aıaqtaldy desek bolady»,- dedi mınıstr.
Dúısenovanyń aıtýynsha, qajetti medısınalyq qural-jabdyqpen jáne dári-dármekpen qamtamasyz etilgen kezekshi jedel medısınalyq kómek brıgadasy barlyq 9 sport nysanynda da jumys isteıtin bolady. 215 jedel járdem kóligi shuǵyl, dereý jáne qajetti medısınalyq kómek kórsetýge daıyn turady. Munan bólek, 40 sanıtarlyq avtokólik sporttyq jáne sporttyq emes nysandarda kezekshilik jasaıdy.
«№4 jáne №7 qalalyq klınıkalyq aýrýhanalardyń bazasynda tikushaq qonatyn alańdar salyndy. Bul qajet bolǵan jaǵdaıda pasıentti der ýaqytynda jetkizip, arnaıy mamandandyrylǵan kómek kórsetýge septigin tıgizedi. 149 medısına qyzmetkeri, onyń ishinde Germanııa mamandary tartylǵan bazada oqytylǵan quqarý qyzmetiniń 11 dárigeri jumys isteıdi. Jedel medısınalyq kómekke jumyldyrylǵan mamandardyń barlyǵy da aǵylshyn tilin bilin biledi», - dedi ol.