Dúnıejúzilik ekonmoıkalyq forýmnyń jyl saıynǵy sessııasy bıyl 47-shi ret uıymdastyrylyp otyr. Davostaǵy aıtýly sharaǵa bıyl 3 myńdaı delegat barǵan, dep jazady forýmnyń resmı saıty.
Shara 17-20 qańtar aralyǵynda ótip jatyr.
Dástúr boıynsha Shveısarııanyń Davos qalasyna memleket jáne úkimet basshylary, halyqaralyq uıym jetekshileri men ataqty qoǵam qaıratkerleri qatysýda.
Forýmdy bıyl QHR tóraǵasy Sı Szınpın ashty. Qytaı delegattary bıyl sany jaǵynan eń kóp ujym bolyp otyr. О́tken jyly eń kóp ókil AQSh-tan barǵan edi.
Germanııa atynan sharaǵa Angela Merkel bastaǵan delegattar men qorǵanys jáne qarjy mınıstrleri barsa, Fransııa bul joly tek mınıstrlik deńgeıindegi ókilderin jibergen. Al Brıtanııadan Tereza Meıdiń ózi qatysýda. Sonymen qatar forýmǵa Petr Poroshenko men ılham Alıev te bardy.
Bıylǵy álemdik naryqta shıkizat baǵasyn kóterýde aıtarlyqtaı eńbegi sińgen Saýd Arabııasynyń energetıka mınıstri Halıd ál-Falıh ta kópshilik nazarynda.
Bulardan bólek Halyqaralyq valıýta qory basshysyKrıstın Lagard, Deutsche Bank, Credit Suisse, UBS, Barclays, HSBC, Bank of America qarjy uıymdary men Facebook, Alibaba Group, eBay, Wal-Mart, Total sekildi iri kásiporyndardyń jetekshileri qatysýda.