Jańa temirjol vokzalynda myńnan astam aqyly turaq oryndary ashylady. Vokzal bıylǵy mamyr aıynda ashylady dep josparlanǵan, dep jazdy QazAqparat.
«Astana LRT» JShS kólik boıynsha dırektory Rýstam Halılovtyń aıtýynsha, kóshe turaqtarynan bólek, munda júzdegen avtokólikke arnalǵan parkıng ǵımaraty boı kóteredi. Jańa vokzalda eski vokzaldaǵy jaǵdaı qaıtalanbaýy tıis. «Múgedekter men zańdy taksı tasymaldaýshylarǵa da oryn qarastyrylady. Biz qoǵamdyq kólikti tekten-tekke damytyp jatqan joqpyz, sondyqtan avtobýstarǵa aýysyp miný múmkindigi bolady. Avtoturaqtyń negizgi mindeti adamdardyń óz kóligin uzaq ýaqytqa tastap ketpeýi bolmaq. Máselen, qazirgi vokzaldyń avtoturaǵy aqyly júıege aýysty», - dedi Halılov.
Onyń aıtýynsha, buryndary avtoturaqtyń 80-90 paıyzy lyq tolyp, 10 paıyzy ǵana bos turatyn. Búginde keptelistiń qyzǵan shaǵynda avtoturaqtyń 60-70 paıyzy ǵana tolady jáne bos oryn tabý múmkindigi kóbeıdi.