Qazaqstannyń ulttyq ekonomıka mınıstri Tımýr Súleımenov 2017 jylǵy jalpy ishki ónim ósimi buǵan deıin aıtylǵan joramaldan kóbirek bolýy múmkin ekenin aıtty, dep jazady kapital.kz.
«JIО́ 2017 jylǵy kórsetkishi boljamnan kóbirek bolady», — dedi Tımýr Súleımenov. Onyń aıtýynsha, eldiń ekonmoıkalyq jáne álemýettik ósim kórsetkishiniń boljamy byltyr jasalǵan. Onda 2017 jyly ósim 1,9 paıyz, 2021 jyly 3,1 paıyz ósedi degen joramal keltirilgen.
«Biz qazir jańa boljamdy daıyndap jatyrmyz. Aqpan aıynda jańa boljamdy usynamyz», — dedi mınıstr.
Sonymen qatar Súleımenov munaı salasyndaǵy ózgeristerdiń de sońǵy joramalda eskerilmegenin alǵa tartty.
«Munaı óndirisin azaıtýǵa baılanysty biz munaı eksportynan túsetin tabysty da qaıta jańartamyz. Bul máseleni energetıka mınıstrligimen birlesip talqylaımyz», — dedi.
Mınıstrdiń aıtýnysha, munaı óndirisi azaıtylǵanymen, aýyl sharýashylyǵy men qurylys, óńdeýshi sektordan túsetin tabys ulǵaıýy tıis.