Atletıkalyq aýylda turýy úshin qysqy Ýnıversıadaǵa qatysatyn elderden Almaty bıýdjetine bir mıllıon eýro paıda túsedi. Bul týraly búgin Almaty qalasynyń ákimi Baýyrjan Báıbek Úkimettiń selektrlik otyrysynda málimdedi.
«Qazir jarysqa qatysatyn 60 eldiń 57-si akkredıtasııadan ótti. Búginge deıin qysqy Ýnıversıadaǵa dál munsha el qatysqan emes. 45 memleket vızasyz rejimmen, al 12 el vızanyń jeńildetilgen túrimen qamtamasyz etiledi. Atletıkalyq aýylda turǵany úshin Almaty bıýdjetine 1 mıllıon eýro túsedi», – dedi ákim.
Qatysýshy elderdiń delegasııalardyń alǵashqysy 23 qańtarda keledi. Olar – Kanada men Qazaqstan komandalary. Al basym bóligi, ıaǵnı 24 elden 700-den astam atlet 26 qańtarda keledi dep kútilýde. Sonymen qatar, Reseıden 350 adam, Qytaıdan 220 adam, Japonııadan 158 adam, Koreıadan 158 adam, Chehıdan 158 adam, Kanadadan 122 adam jáne AQSh-tan 114 adam keledi.
Delegasııa quramynda Olımpıada, álem, Qysqy Ýnıversıada chempıondary bar. Olarmen birge mınıstrler, zańnamalyq organdarynyń ókilderi, eýropalyq qalalardyń merleri júredi. Sondaı-aq, AQSh-tyń memlekettik hatshysy da keledi.