Qazaqstandaǵy balalar úıleri janynda alǵash ret baqylaý keńesteri qurylady, dep habarlady QR Bilim jáne ǵylym mınıstrliginiń baspasóz qyzmeti. Baqylaý keńesteri osy jyldyń birinshi toqsanynda ashylmaq.
Baqylaý keńesteri balalar úıleriniń qyzmetterine qoǵamdyq baqylaý júrgizedi. Keńester quramdary qoǵamdyq uıymdardyń, balalar quqyǵyn qorǵaý qorlarynyń, asyrap alýshy ata-analar qaýymdastyǵynyń, memlekettik basqarý organdarynyń (onyń ishinde quqyq qorǵaý organy) ókilderinen turatyn bolady. Osylaısha, qoǵam balalar úıleriniń tynys-tirshiline etene qatysyp, jaǵdaıdy baqylap, balalar quqyqtaryn buzý áreketteriniń aldyn alady.
Mınıstrliktiń habarlaýynsha, baqylaý keńesterine birqatar ókilettilik joldanady. Mysaly, keńesterge balalar úıleriniń qyzmeti jaıly esepterdi tyńdaýǵa, balalar úıleriniń basshylyǵynyń is-áreketterin qadaǵalaýǵa, balalardyń jaǵdaıyn derbes baǵalap, olarmen áńgimelesýge múmkindik beriledi. Baqylaý keńesteriniń atqarǵan jumystary jaıly aqparat Internet-resýrstarda, onyń ishinde balalar úıleri men QR BǴM Balalar quqyǵyn qorǵaý Komıtetiniń resmı saıtarynda jarııalanady.
Bir aıta keterligi, elimizde kóp jyldan beri alǵash ret jetim balalar sanynyń tómendeýine baılanysty balalar úıi jabyla bastady. 2015 jyldan bastap 48 jetimder úıi jabyldy (jalpy sany 188-den 140-qa deıin azaıdy).