Qaıratkerdiń ómirderegi

Qazaqstan Respýblıkasy Prezıdentiniń Arhıvine memleket jáne qoǵam qaıratkeri Báıken Áshimovtiń qundy qujattary kelip tústi. Jeke tulǵalardyń, sonyń ishinde jaýapty qyzmetterdi atqara oty­ryp, Qazaqstannyń qa­lyptasýy men damýyna súbeli úles qos­qan azamattardyń ómir­baıan­ynsyz memleket tarı­hy tolyqpaıdy. Son­dyq­tan Prezıdent A­r­hıv­inde qorlardyń bel­gili memleket jáne qo­ǵam qaıratkerleriniń qu­jat­ta­rymen tolyǵýyna erekshe mán beriledi. Qazirgi ýa­qytta Arhıvte 85 jeke tektik qor bar. Jeke qorlar keńestik dáýirdegi jáne qazirgi zamanǵy saıası elıta ókilderiniń qyzmeti men ómir tarıhyn jáne olardyń Qazaqstannyń damýyna qosqan úlesin kórsetetin teńdessiz jınaq kózderi bolyp tabylady. Jaqynda Qazaqstan Respýblıkasy Prezıdentiniń Arhıvi belgili memleket jáne qoǵam qaıratkeri Báıken Áshimuly Áshimovtiń (1917-2010 j.j.) jeke qorymen tolyqty. Ar­hıv­ke qor qujattaryn onyń uly Ońdasyn Báıkenuly Áshimov tapsyrdy. Báıken Áshimuly Áshimov (1917-2010 jj.) – Aqmola oblysynda týǵan  kórnekti memleket jáne qoǵam qaı­ratkeri, 1970 jyldan 1984 jyl­ǵa deıin  Qazaq KSR Mınıstrler ke­ńesiniń tóraǵasy qyzmetin at­qar­dy. Báıken Áshimulynyń kelesi ta­ǵaı­yndaýlary depýtattyq qyz­met­pen baı­lanys­ty: Qazaq KSR Joǵarǵy Ke­ńesi Prezıdıýmynyń tóraǵasy (1984-1985 jj.), KSRO Joǵarǵy Keńesi depýtaty, KSRO Joǵarǵy Keńesi tóraǵasynyń orynbasary (1984-1985jj.) bolyp qyzmet etti. Báıken Áshimulynyń Uly Otan soǵysyna qatysqan jyldaryn atap ótkenimiz jón bolar.Ol 1942-1945 jyldary 370-shi atqyshtar dıvızııasynda, 76-shy Qyzyl týyn atqyshtar dıvızııasynda ásker qata­ryn­da áskerı boryshyn óte­di. Sandaǵan sura­pyl shaı­qas­tar­dy basy­nan ótkerdi. Arhıvke tap­sy­ryl­­ǵan qujattardyń ara­­synda Uly Otan so­­ǵysy kezinde Ke­ńes Odaǵy Qarýly kúshteriniń Joǵarǵy bas qol­­basshysy I.­Sta­lın­­­­niń atynan be­ril­­gen alǵys hattar, Kovel qalasyn jáne Varshava mańyndaǵy Praga bekinisin azat etýdegi úzdik jaýyn­gerlik qımyldary úshin jaýyngerlik nagradaǵa berilgen marapattaý kitapshasy qundy bolyp tabylady. Qabyldanǵan qujattardyń aý­qymdy bóliginde B.Áshimovtiń qyz­mettik ómirin beıneleıtin qu­jattar top­tamasy jınalǵan, olar­dyń ishinde baıandamalar, sóı­legen sóz­deriniń, maqala­la­ry­nyń qol­jaz­basy, eńbek qyzmeti, 1977 jyly Sosıalıstik Eńbek eri qurmetti ataǵyn berý týraly, quttyqtaý hattar jáne bas­qa­lary bar. Qazaqstan Respýblıkasy Prezı­den­ti Arhıviniń Qazaqstannyń memleket jáne qoǵam qaıratkerleri tý­raly ómirbaıandyq zertteýler­ge arnalǵan derekkózder bazasy jyldan-jylǵa asa qundy qujat­tarmen tolyqtyrylyp keledi. son­da jınaqtalǵan málimetter zert­teýshilerge memleket tarıhymen qatar, memleket jáne qoǵam qaı­ratkeri Báıken Áshimuly Áshimov sııaq­ty belgili tulǵalardyń ómir jolda­rymen tanysýǵa múmkindik beredi. Shámsııa TО́LEÝOVA, Qazaqstan Respýblıkasy Prezıdenti Arhıviniń bas sarapshysy ALMATY