Álemdegi munaı baǵasy bıyl turaqtalýy tıis. Bul týraly Munaı eksporttaýshy elder uıymynyń bas hatshysy Mohammed Barkındo Venesýelaǵa sapary barysynda málimdedi, dep jazady «Habar 24».
Onyń aıtýynsha, buǵan ótken jyly OPEK elderi men birqatar memlekettiń birlese qara altyndy óndirý kólemin azaıtý týraly sheshimi negiz bolǵan. Endi kelisim nátıjesinde munaıdyń baǵamy budan úsh jyl burynǵy deńgeıine jetip, óndirýshiler men tutynýshylardyń múddesine saı kelýi tıis. Al Venesýela prezıdenti Nıkolas Madýro qara altynnyń quny jaqyn aılarda-aq 70 dollarǵa jetedi dep otyr.
Aıta keteıik, ótken jyly qarasha aıynda OPEK elderi munaıdy óndirýdi 1,2 mln barrelge deıin azaıtyp, kúnine 32,5 mln barrel óndirýge ýaǵdalasqan. Al jeltoqsannyń 10-y kúni oǵan taǵy birqatar memleket qosyldy.