Ońtústik Qazaqstan oblysyndaǵy jedel járdem qyzmetine 30 avtokólik tabys etildi, dep habarlady OQO ákiminiń baspasóz qyzmeti.
«Búkil dúnıe júzinde jedel járdem qyzmeti 7 mınýtqa deıin, ary ketkende 10 mınýtqa deıin barýy kerek. О́kinishke qaraı, keıbir jerlerde bul sharttar men talaptar oryndalmaı jatady. Sondyqtan, búgingi syıǵa tartylǵan avtokólikter osy qıyndyqtardy joıyp, azaıtý maqsatynda berilip otyr. Jalpy, oblysta jedel járdem qyzmetin kórsetetin 261 kólik bar. Onyń 20 paıyzdan astamy búgingi kúnge jaramsyz dep aıtýǵa bolady. Sol sebepti, olardy jyl saıyn azaıtyp, ornyn jańa kóliktermen almastyryp otyratyn bolamyz. Sizderden talabymyz - tótenshe jaǵdaılar kezderinde oblys turǵyndarynyń densaýlyǵyn barynsha saqtap qalýǵa tyrysyp, úılerine tez jetý, kómektesý, qutqarý máselesinde aıanbaı qyzmet etý», - dedi Janseıit Qanseıituly jedel járdem qyzmetiniń mamandarymen júzdesýde.
Basqosýda ákim jedel járdem qyzmetindegi máselelerdi sheshý úshin óńirde bıyl 8 qosymsha brıgadanyń qurylatynyn aıtyp, osy jyldyń enshisine taǵy da 22 kóliktiń tapsyrysqa berilgenin habarlady. Sondaı-aq, ol Shymkent qalalyq jedel járdem stansasyn memlekettik-jekemenshik áriptestik arqyly modernızasııalaý boıynsha jumystardyń júrgiziletin de aıtty.
Búgingi paıdalanýǵa berilgen 30 kóliktiń 20-y Shymkent qalasyna, 10-y oblys aýdandaryna berilip otyr. Bul úshin oblystyq bıýdjetten 418 mln. teńge qaralǵan. Al 2017 jylǵa oblystyq bıýdjet esebinen 535 mln. teńgege taǵy 22 dana avtokólik satyp alý josparlanýda.
Aıta ketý kerek, OQO-da jedel járdem kómegi Shymkent pen Túrkistan qalalaryndaǵy 2 stansııa men 16 emhanaǵa qarasty aýdandyq, qalalyq bólimshelerde qyzmet kórsetedi. Atalǵan qurylymdarda barlyǵy 194, onyń ishinde, 78 dárigerlik, 88 feldsherlik, 28 mamandyrylǵan (kardıoreanımasııa, ıntensıvti terapııa - 17, jan saqtaý - 6, psıhıatrııalyq - 2) brıgadalar jumys isteıdi.