Býkmekerlik keńseler orta salmaqta WBC, WBA, IBF jáne IBO nusqalary boıynsha álem chempıony Gennadıı Golovkın men WBA (Regular) belbeýiniń ıegeri Dennıel Djeıkobs arasyndaǵy jekpe-jekke arnalǵan koeffısıentterdi jarııalady. Bul týraly vesti.kz habarlady.
Bul kórsetkish boıynsha qazaqstandyq boksshyǵa favorıt retinde 1.12 usynylsa, amerıkalyqqa 6.50 berildi. Al kezdesý teń aıaqtalǵan jaǵdaıdaǵy koeffısıent – 25.
Bul aıqasqa berilgen baǵa alǵash ret 22 jeltoqsanda shyqqan. Ol kezde Golovkınniń jeńisine 1.32, al Djeıkobsqa 3.50 berilgen. Buǵan deıin qazaqstandyqtyń jeńisine dál mundaı joǵary senim artylmaǵan.
Koeffısıentterdiń ózgerýi boksshylardyń jeńý múmkindigimen ǵana emes GGG úshin bástiń kóp qoıylýymen baılanysty. Nıý-Iork qalasyndaǵy Madison Square Garden arenasynda ótetin jekpe-jekke eki aı ýaqyt qaldy. Sondyqtan áli de ózgerister bolyp qalýy múmkin.