Orta salmaqta WBO tujyrymy boıynsha álem chempıony Bıllı Djo Sonders boksqa degen qyzyǵýshylyǵynyń basylyp qalǵanyn aıtty.
27 jastaǵy brıtanııalyq sportshy kásipqoı rıngte 2008 jyldan beri judyryqtasyp keledi. Búginge deıin 24 jekpe-jek ótkizip, bárin de jeńispen (12 nokakýt) aıaqtaǵan. О́tken jyly jaraqatyna baılanysty tek reseılik Artýr Akavovaǵa (16-2, 7 KO) qarsy bir ǵana kezdesý ótkize aldy. Bul aıqasta ol tóreshilerdiń sheshimimen jeńiske jetken.
«Boksqa degen qushtarlyǵym basylyp qaldy. Bıik shyńdarǵa jetken kúıimde ketsem be degen oıda júrmin», – dep týıtter paraqashasyna jazdy ol.
Álemdik BAQ sportshynyń mansabyn aıaqtaǵysy kelip júr dep qabyldady.
Aıta keteıik, qazaqstandyq Gennadıı Golovkın barlyq belbeýleriniń basyn qosý úshin Sonderstiń ıeligindegi tıtýl ǵana jetkiliksiz. WBC, WBA, IBF jáne IBO nusqalary boıynsha álem chempıony brıtanııalyq áriptesin jekpe-jekke birneshe ret shaqyrǵan.