2016 jyly «BJK 2020» baǵdarlamasy aıasynda 300-den astam almatylyq kásipker qarjylaı qoldaý aldy. Bul 2015 jylmen salystyrǵanda 2,2 ese artyq, , dep habarlady Almaty qalasynyń kásipkerlik jáne ındýstrııalyq-ınnovasııalyq damý basqarmasy.
2016 jyly nesıe qorjyny - 78,8 mlrd teńgeni (2015 j.- 30,9 mlrd teńge), sýbsıdııalaý kólemi - 15,3 mlrd teńgeni (2015 j.- 6,2 mlrd teńge) qurady. Al ósý 2,5 eseni qurady.
Almaty qalasynyń kásipkerlik jáne ındýstrııalyq-ınnovasııalyq damý basqarmasynyń basshysy Almas Mádıevtiń aıtýy boıynsha, ótken jyly 198 joba 15,3 mlrd teńgege sýbsıdııalanǵan, 77 joba 794 mln teńgege kepildik aldy, sondaı-aq 31 kásipkerge 84 mln teńge somasyna granttar tabystaldy.
Almatyda BJK 2020 baǵdarlamasymen qatar, saýda jáne kórsetiletin qyzmetter salasyndaǵy almatylyq kásipkerlerdi qoldaý maqsatynda ázirlengen «Jibek joly» óńirlik baǵdarlamasy qoldanysta ekenin atap ótý qajet. 2015 jyldyń birinshi kezeńi aıasynda 4 mlrd teńge somasyna 77 jobaǵa qoldaý kórsetilse, ekinshi kezeńi aıasynda 2,6 mlrd teńge somasyna 40 jobaǵa qoldaý kórsetilgen.