Barlyq salany qamtıtyn Ońtústik Qazaqstan oblysynyń jańa Damý konsepsııasy daıyndaldy, dep habarlady OQO ákiminiń baspasóz qyzmeti. Ońtústik Qazaqstan oblysynyń ákimi Janseıit Túımebaevtyń laýazymdy qyzmetke kiriskenine úsh aıdan asty. Oblys basshysy osy aralyqta aýdan-qalalarǵa 19 ret issaparǵa shyqty. Sapar barysynda 91 áleýmettik nysan paıdalanýǵa berildi.
Úsh aıda J.Túımebaev 14 shetel elshilerimen jáne bıznesmenderimen kezdesti. Onyń ishinde BUU, Túrkııa, Qytaı, Shveısarııa, Fransııa, Vengrııa, Katar, Ázerbaıjan, О́zbekstan, Qyrǵyzstan ókilderi bar. Sonymen qatar sheteldikterdiń qatysýymen halyqaralyq forým men halyqaralyq bıznes konferensııa uıymdastyryldy. Oblys ákimi 150-den astam is-sharaǵa qatysty.
Ońtústikte sońǵy toqsanda Indýstrııaldy-ınnovasııalyq damý baǵdarlamasy aıasynda 7 mlrd. teńgeni quraıtyn 17 joba iske qosylyp, 735 jumys orny ashyldy.
Indýstrııalyq aımaqtarda 9 ınvestısııalyq joba júzege asyrylyp, 4,3 mlrd. teńge ınvestısııa tartyldy. 400 jańa jumys orny ashyldy.
Mádenıetti damytý qory quryldy. El Táýelsizdiginiń 25 jyldyǵyna oraı mádenı salada eńbek etip júrgen 25 tanymal tulǵaǵa tuńǵysh ret oblys ákiminiń 500 myń teńgeden syıaqysy taǵaıyndaldy. Bul úrdis jalǵasyn taýyp, jyl saıyn mádenıet salasyna eńbegi sińgen azamattarǵa beriletin boldy.
Atalǵan ýaqyt kezeńinde oblys ákiminiń bastamasymen Shymkent qalasynda kógaldandyrý jańasha qarqyn alyp, 52 myń kóshet, 300 myń qyzǵaldaq jáne raýshan gúlderi egildi.
Oblys ortalyǵynyń kenjelep qalǵan shetki aýdandaryn damytyp, qaraýsyz qalǵan saı-salalardy saıaly saıabaqqa aınaldyrý maqsatynda «Shatqal» baǵdarlamasy qabyldandy. Elimizdegi erekshe joba 14 qańtar kúni bastaldy. Atalǵan joba aıasynda sáýir aıyna deıin 100 myń tal otyrǵyzylady. Nátıjesinde ondaǵan shatqal saıabaqqa aınalady.
Tuńǵysh ret Túımebaev Ońtústikke ınvestısııa tartý maqsatynda «Týǵan jerdi túletý – perzenttik paryz» respýblıkalyq aksııasyn ótkizip, óńirimizden shyqqan ataqty mesenattarmen oblystyń erekshe jobalaryn qarjylaryndyrýǵa kelisim jasaýǵa kiristi.
Ońtústikte týrızm klasterin damytýdyń aýqymdy josparyn jasaýǵa kiristi. «EKSPO-2017» halyqaralyq mamandandyrylǵan kórmesine óńirlik daıyndyq aıasynda qonaqtarǵa arnap, Ońtústik Qazaqstan oblysy boıynsha 3 jáne 5-kúndik týrıstik marshrýttar jasaldy. "Recommended by EXPO" belgisi berilip, "Shymtýr", "Sael týr" jáne "Mıras trevel" týrıstik uıymdarymen memorandýmǵa qol qoıyldy.