Aımaqtardaǵy janarmaı baǵasynyń qymbattaýyna baılanysty biz Energetıka mınıstrligimen habarlasyp, jaǵdaıdy túsindirip berýdi suraǵan bolatynbyz. Mınıstrlik ótken jyldyń sońynda AI 92 markaly benzınniń 1 lıtriniń baǵasy 135-140 teńgeniń aralyǵynda bolady dep eskertkenin aıtady.
О́ıtkeni Qazaqstan tutynatyn osyndaı markaly benzınniń úshten birine jýyǵyn syrttan tasıdy eken. Naqty aıtqanda Reseıden. Álemde munaı baǵasy turaqtana bastaǵan soń, kórshi memleket valıýtasy da nyǵaıa túsken. Sol sebepti baǵa birshama kóterilgen.
Al Aqmola oblysynda benzınniń bir lıtriniń baǵasy 145 teńgege deıin qymbattap ketti.
"Reseı rýbliniń óskenimen baılanysty. Eger jańa jyldyń aldynda ol 5,1-5,2 bolsa, qazirgi tańda ol 5,6-ǵa kóterilip jatyr. Soǵan baılanysty ol naryqqa áser etip otyr. Sondyqtan baǵa osyndaı," - deıdi QR Energetıka mınıstrligi baspasóz qyzmetiniń jetekshisi Asqar Jaldınov.