Rım qalasynan 103 shaqyrym jerde magnıtýdasy 5,6-ǵa teń jer silkinisi boldy, - dep habarlady RIA Novostı Eýropalyq seısmologııalyq ortalyqqa silteme jasap. Jer dúmpýleriniń tereńdigi - 10 shaqyrym. Jer silkinisi Astana ýaqytymen 16.25-te boldy.
Osylaısha Italııada búgin úshinshi ret jer silkinip otyr. Buǵan deıin Rımnen 97 shaqyrym jerde magnıtýdasy 5,3-ke teń jáne 109 shaqyrym qashyqtyqta magnıtýdasy 5,7-ge teń jerasty dúmpýleri tirkelgen.
Ázirshe qıraǵan ǵımarattar men zardap shekkender týraly habar joq. Sońǵy dúmpýdiń epısentri Marke jáne Abrýsso ortalyq aýdandardyń shekarasynda ornalasqan Amatrıche qalasynyń mańynda boldy. Tamyz aıynda dál osy qala mańynda 6,1 magnıtýdaly joıqyn jer silkinisi bolyp, 300-ge jýyq adam kóz jumǵan bolatyn.
2016 jyly ortalyq Italııada úsh qýatty jer silkinisi boldy. Alǵashqysy 24 tamyzda tirkeldi. Onyń saldarynan 299 adam mert bolǵan. 26 qazanda osy aımaqta birneshe jer asty dúmpýi boldy. 30 qazanda 6,5 magnıtýdaly jer silkinisi eldiń tórt obysynda - Marke, Ýmbrıı, Lasıo jáne Abrýssoda ornalasqan 100 jýyq eldi mekenderge zııan keltirgen edi.