Qolónershilerdiń qııalynda shek joq

Lıýdmıla Raspopovanyń toqyma qýyrshaqtary Qostanaı óńirindegi múge­dek balalar men olardyń ata-anasyna birshama tanys kórinedi. Ony balalar qolyna kıip alyp oınaıdy. О́zi kóp jyldar áleýmettik salada qyzmet istegen L.Raspopova úıde otyryp qalǵan balalarǵa qýyrshaq toqýdy ádetke aınaldyryp, ýaqyt óte ol óziniń súıikti isine aınalǵan. Al Ryskúl Ábi­lova «Tılda» dep atalatyn qýyrshaqtar serııasyn qoldan tigip jasaıdy. О́zi tiginshi, ýnıversıtette qol eńbeginen sabaq beretin R.Ábilova qýyrshaq tigýdi stýdentterge, ynta bildirgenderdiń barlyǵyna úıretýmen keledi. – Keshke jumystan kelgen soń qýyrshaq tigý – meniń eń súıikti ermegim. Qazir qol eńbeginiń qaısysy bolsa da jurtshylyqtyń qyzyǵý­shy­lyǵyn týdyrady jáne tez saý­da­lanady, – deıdi R.Ábilova. Olga Zotova kóp jyldan beri tabıǵı asyl tastardan áıel­der­diń monshaq, syrǵa, al­qasyn ja­saýmen aınalysady. Taza ta­bıǵı laǵyl, aqyq tastardy óń­deý, bir beınege keltirý áı­el adamǵa ońaı da sharýa emes. Ol ja­­saǵan áshekeılerge suranys kóp. Al Qarlyǵash Júsip­beko­vanyń súıikti isi aldymen kórermendi tańǵal­dyrady. Ol kádimgi sómkeniń, kúrtkelerdiń sydyrmaǵynan áıelderdiń áshekeı zattaryn jasaıdy. Kóz­diń jaýyn alatyn syrǵa men alqany, júzikti sydyrmaqtan jasady degenge senerińdi de, senbesińdi de bilmeısiń. – Osy ispen aınalysqanyma bir jarym jyldaı ýaqyt boldy. Qaıdan úırengenimdi aıtaıyn – ınternetten! Jumys­tan qolym bosasa sydyr­maqtan bir buıym jasap shyǵarýǵa tyrysamyn. Qazir jasaǵan buıymdarymnyń sany úsh jú­zge deıin barady, biraq kóbin dostaryma, týys­taryma syıladym. Qalǵanyn sattym, suranys berýshiler de jetedi, – deıdi Q.Júsipbekova. Son­daı-aq, Anastasııa Shýrýpova kádimgi sabyn jasaýmen aınalysady. Áıtse de, qolónermen aına­lysý ońaı da, arzan da sharýa emes kórinedi. Mysaly, A.Shýrýpova sabynnyń materıalyn, formasyn Reseıden, tipti Eýropadan aldyrady. Árıne, arzan emes. Al Ryskúl Ábilovanyń qýyrshaq tigetin mata alý úshin Reseıdiń Chelıabi, Ekaterınbýrg qalalaryna jol júrip ketetin kezderi az bolmaıdy. Elena Korıa­kına qýyr­shaqtaryn qoı­dyń júninen jasaıdy. Ol úshin aldymen júndi óńdep, kıiz basyp, ony qýyrshaq keıpine keltiredi. Bir qýyrshaqqa úsh kúndeı ýaqyty ketedi eken. Qolónershilerdiń qaısy­symen sóılesseń de, súıikti isine tek eńbegin ǵana emes, jan shýaǵyn tógetinin aı­tady. Sonymen qatar, shyǵar­mashylyqta adam qııa­lynyń shegi bolmaıdy. Kádim­gi shyny shólmekterden jasal­ǵan sulý vazalar da – osy qol­óner­shiler qııalynyń jemisi. – Kórmege qatysqan sheberler óziniń súıikti qolónerinsiz ómirin elestete almaıdy. Qol­dan jasalǵan, tikken, toqylǵan buıymdar qazir erekshe baǵa­lanady. Olardyń áleýmettik jelilerde arnaıy paraqshalary, tipti ınternet-dúkenderi de bar, – deıdi oblystyq tarıhı-ólketaný mýzeıiniń qyzmetkeri Saltanat Qarabaeva. Názıra JÁRIMBETOVA, «Egemen Qazaqstan» QOSTANAI